E belesse dea Speza

Massimo Bordello Sab Mar 13, 2010 4:51 pm

Ho 'nza dito che a Speza l'è 'n paese
Che de compagni ar mondo ne ghe n'è;
Leséne pue di libri! A 'n podé lese.
Ma n'autra Speza a ne ghe la trové!

I Romani ch'i eo gente ch'i 'n vao dese
De sti sapienti de a giornà d'anchè,
i dizevo che l'è 'n giardin de rese.
E andeghe a vede, s'a ne ve 'r credé!

E quando Giulio Cesare i vegniva
A fae dui passi da ste parte chi,
Mia vede come i se ghe divertiva!

Tanto l'è veo che quand'i viste i Vici,
I dizo ch'i ghe sio piazu cossi,
Ch'i scrisse a 'Ntonio: Veni a ved'i i Vici!

Ubaldo Mazzini

Massimo Bordello Sab Mar 13, 2010 6:09 pm

A SPÈZA
'Nfra tüte e sità de l'üniverso
me a credo che paege né ghe 'n sia;
mia propio die che Cristo i agia perso,
dopo d'avela fabricà, a magìa!

Bela l'è bela, la la veda 'n guerso!
E ho sentì a die che per quanto se zia
er mondo 'n lüngo, e 'n largo, ne gh'è verso!
En gorfo cossì beo i ne s'amìa.

Ma a ciü belessa bela e sorprendente
l'è che se gh'è 'n spezin ch'agia 'nt'a testa
doi ünse de criteio e de talento

I 'o schivo tüti, e i ne 'r consideo gnente;
ma se ven n'ase chi daa cà dea pesta
i' en capaci de faghe 'r monümento.

Ubaldo Mazzini

E belesse dea Speza

E belesse dea Speza

Re: E belesse dea Speza